國際娛樂最新出咗通告，話G.O.條件仲要商討，但又無講傾邊條條款？咁最簡單就係提價或者出更好的條件傾談，所以上周又炒上去。所以親身去過，自己又推介過，真係心安理得，唔使道聽途說。下次再講其他地方經濟如何吧！
可以連寫三集，你係咪好想轉去睇陳承龍專欄呢？非也非也，香港人對馬尼拉有心結，每一個香港人都好明白，我們只係從投資角度睇，想畀一個深入啲的分析大家。4、5月長假期都放得七七八八，小炒王已經好想埋位熱身炒作，但4月悶住來升，連我樂觀派做好友都食唔到幾多，傳統被唱淡的5月唔通會識飛？
5月傳統智慧”Sell in May”，多位前輩都有提小炒王要留神啲，不過講明我係樂觀派，5月又唔敢睇太淡。4月悶足大半個月，臨尾都有力企上24700點，以此推斷基金儲貨震你倉，悶聲發大財係上策，加上6月中會檢討內地入唔入到MSCI、就算法國、南韓大選，加埋美國隨時又吹加息，但內地5月中開一帶一路高峰會，好淡角力，加上市場睇淡居多，咁我就睇好！
深度遊要講到第三集，因為我花咗半日時間在馬尼拉遊賭場，特別遊覽國際娛樂（01009.HK）位於馬尼拉灣的賭場。首先一入到去，感覺比較”old school”，保安姐姐仲問我係咪韓國人？我即刻話「香港」，佢當堂眼突突。入到去，整個環境都有點似澳門的金龍大酒店賭場一樣，煙霧瀰漫，日、韓語加英語交集，內地人偏少。最搞笑當我搵到部電子輪盤機玩下，一入錢就壞起來，仲自動熄機，當堂嚇親，好彩職員出返張現金券畀我！賭場有兩層，唔算細，但舊式味濃，好難想像可以同金碧輝煌的澳門賭場比。出到街，周圍都係日、韓餐廳，唔通呢度日韓集中地？好似香港的韓國街一樣？
內裡殘舊，外圍夜夜笙歌。講真從投資角度睇，又唔同玩法，只要有潛力改進，投資落去就尋找到合理回報。國際娛樂最新出咗通告，話G.O.條件仲要商討，但又無講傾邊條條款？咁最簡單就係提價或者出更好的條件傾談，所以上周又炒上去。所以親身去過，自己又推介過，真係心安理得，唔使道聽途說。下次再講其他地方經濟如何吧！
