市場上已經開始傳緊港交所將會實行「IPO通」，即係話香港同內地股民可以互相買賣兩地新上市嘅股份，若然成事，內地股民定必抽爆沙特阿美，而我哋亦都可以湧上去抽新股，嘗試一開市就升到44%的新股，雖然你話我們喺內地抽新股成功率好低，但係兩地互通定必造就港交所大升原因。
終於復活啦！大市喺五月份沒有走鬼，只有破頂格局。究竟呢一隻係「狂牛」定「慢牛」？小炒王相信開波之時，「慢牛」會現身，但到中段，「狂牛」會擺一擺牛頭嚇你一驚。2017年一向樂觀派嘅我，從不敢輕言「睇淡」。所以四月份「慢火煎魚」格局真係令我好頭痕，更一度被推介過的股份所「困惑」。
好彩就係樂觀底，小炒王係呢段時間不斷低吸，包括經常喺節目枱面擺出嚟嘅冧巴388！不下三次建議大家係＄190樓下買入港交所（00388.HK），事關呢個位實在係抵買。恆指既然升到24,800點水平，何解港交所＄200都冇呢？成交低係其中一個因素，因為儲貨從來唔會大大力，慢慢收集係基金嘅習慣，散戶睇落去就好似「悶到拍蚊」，其實吸緊貨又點會通街唱。
今年你李小加只係會忙於招攬一隻股份，佢就係「沙特阿美」。一隻超級巨無霸，如果可以來香港上市絕對係莫大嘅商機。淨係集資額已經嚇死你，成1000億美金，搞掂呢單的話，我哋全年集資額就可以係全球之冠，主席都可以乘機休息。聽聞阿爺都好想攞到呢單deal，作為送俾香港嘅禮物，你見沙特阿美五月份喺上海開股東會，而中石油、工商銀行亦都有意投資沙特阿美，你就知阿爺幾咁重視呢單交易。萬一港交所將呢單交易袋落袋，阿爺定必想益返自己同胞，市場上已經開始傳緊港交所將會實行「IPO通」，即係話香港同內地股民可以互相買賣兩地新上市嘅股份，若然成事，內地股民定必抽爆沙特阿美，而我哋亦都可以湧上去抽新股，嘗試一開市就升到44%的新股，雖然你話我們喺內地抽新股成功率好低，但係兩地互通定必造就港交所大升原因。所以趁港交所＄200樓下吸納，實在係抵買之選。
