海底撈將火鍋底料分拆做頤海國際（01579.HK）舊年在香港上市，實體店今年9月會喺旺角開，到時我哋就可以一嘗海底撈的滋味，佢哋全部都係自營店，不設加盟店或者聯營店，相信品質可以保持到，不過香港實屬彈丸之地，有冇咁大嘅地方做到咁多的服務以及租金嚇走相當多外地企業，都要睇海底撈點樣拆得掂。
一碗「譚仔」4、50蚊，結果搞起一個價值10億的收購，食品股的威力已經席捲全港。今次呢單交易收得相當密實，風聲由日本新聞傳出，搞到班行家不斷要搵人翻譯日文，可想而知譚仔對我哋有幾咁貼身，幾多人想知譚仔成功之路。譚仔無上市，對投資者冇得益，不過呢個估值就令我哋諗起將來食品股的路向，唔單單係一碟碟頭飯、一碗米線、一份茶餐嘅價值，而係被收購嘅終極之路。一直冷藏已久的飲食股，將來極有可能翻身！
近日有位朋友（平時唔多炒股）問起我一間食肆嘅前景，起初我都摸不著頭腦究竟有幾勁，但查一查呢隻海底撈，絕對有機會撈得起。首先高層接受美國Bloomberg訪問，高層講到明嚟緊會擴大版圖去到美國。加上睇韓國節目《滋味行》見到裴勇俊嘅太太介紹海底撈，心知海底撈嘅吸引力相當大。事關以我所知韓國人一路對中式火鍋無乜興趣，今次介紹純粹被海底撈嘅商業模式吸引，因為入到海底撈，唔係打邊爐咁簡單，按摩、修甲、唱歌跳舞、兒童遊樂區全部有得玩，一入到海底路就好似有皇帝式享受一樣，對香港人來講係一種新嘅模式，對於中產，更加係排隊排到傻的新玩法。據內地人講，排海底撈最少要45分鐘，但吸引力之大，令大家都無法抵擋。
海底撈將火鍋底料分拆做頤海國際（01579.HK）舊年在香港上市，實體店今年9月會喺旺角開，到時我哋就可以一嘗海底撈的滋味，佢哋全部都係自營店，不設加盟店或者聯營店，相信品質可以保持到，不過香港實屬彈丸之地，有冇咁大嘅地方做到咁多的服務以及租金嚇走相當多外地企業，都要睇海底撈點樣拆得掂。睇返圖表，有心人默默地在低位收集，正邁向近期高位$4.5之路，以買賣盤，以及成交所睇，海底路絕對有撈起嘅機會。加上，近來吉野家（即合興、047）、膳源（01632.HK）、小南國（03666.HK）都先後爆起，相信頤海升10%破新高無難度！
