2月尾，接近兩會之時，北水又係靜極思動，無來無往，直至兩會期一結束，北水湧至，大市就湧上24600。咁？今次又係咪翻版？
人在東京，個股絕對無時間研究。其實都是籍口，主因係大市無方向、無動力，自3月下旬開始，業績期尾聲，內地香港準備放清明節假期，北水沒有活，日日700幾億成交，與早前的千億成交難以相比，戰友們你眼望我眼，買賣兩閒。咦？呢個境況咁似曾相識嘅？2月尾，接近兩會之時，北水又係靜極思動，無來無往，直至兩會期一結束，北水湧至，大市就湧上24600。咁？今次又係咪翻版？
如果確定係資金因素，那麼4月呢段時間好可能重蹈覆轍，照估計，4月中旬又會有資金再度歸來，要記住內地沒有復活節假期的慣例，香港人放4日大假，內地繼續開市，所以相信，4月中打後會有較好光景，再次挑戰今年高位。大家唔使太擔心，我仍舊樂觀對待市況，呢個派對未玩完。縱然日日有股災報道，又話美股玩完等等⋯⋯但眼見香港股民依然小心翼翼未上車，正所謂，上帝要你滅亡，必先令你瘋狂，我們現在有瘋麼？瘋鬼瘋馬咩？以下實例正好作印證。
小炒王在的士上遇上「炒股的哥」，一上車講唔該就被認出了，仲問我係咪梁心欣？（通常大家只記得小炒王三個字）仲話在電視台時期已經睇我，（在此謝過的哥），佢話佢仲未上車，一直在等機會，問我今年大市走勢。
的哥：「你話24600點調落嚟，又唔係調好多，又係24000點，咁好難買㗎喎⋯」
小炒王：「股份好似調得多啲，大市由年初升上來2000幾點，其實無咩位畀你買，如果你想等23000點入貨，我覺得較難，要畀多幾百點。」
的哥：「你咁樂觀呀？咁我現在入咪好易摸中個頂？一陣震返一千幾百，好傷喎⋯」
小炒王：「都係㗎，最老土就分注入，但其實你年頭做咩唔買啲？講咗會向上，睇到26500樓上⋯」
詳情唔講太多，但幾肯定好多投資者年初升呢段都兩手空空，調得唔多又唔驚上車，結果「股到升時方恨少」，所以話用散戶心理角度觀察，股災未到。雞犬未皆升之時都唔好妄下判斷，愈有人睇淡，大市愈未到終極一升。
