康大食品將繼續從事現有業務，並維持於港交所和聯交所的上市地位。咁買家係邊個？係中國天元錳業。
呢期每逢收市，我都心有不甘，事關自認「買股時膽很大」的我，竟然出事！手上無騰訊（00700.HK）、無恒大（03333.HK），縱然撈了ASM（00522.HK）、碧桂園（02007.HK），但表現遠遜於資金「圍堵」的騰訊及恒大，心諗唔通追落後股蝕底成咁？我由此領略不如以注碼控制風險，買少少讓自己坐擁「勇者無懼」股分，起碼可以分一杯羹麻。唉，都無謂再呻，不如努力尋找下隻機會股。
日日做直播，接收到海量的查詢，可幸是，有時見到你們問的問題，如果係自己唔熟悉的股分都會望望，接手深入調查一下。呢期被人問得最多的就是康大食品（00834.HK）。
睇圖都幾誇，過去一個月完成了一條「天梯」，直上無難度，係近五月尾打返一棍落嚟。睇故事睇全套，追溯返，康大早前以$1.34賣盤，比前收市價大折讓近45%，交易完成後，康大食品將繼續從事現有業務，並維持於港交所和聯交所的上市地位。咁買家係邊個？係中國天元錳業。
聽落無咩特別，最怪係折讓45%咁多，但買家身分先係單deal的重點。好記得當年有隻百靈達（02326.HK），神奇股也，買家，哼，又係天元錳業。當年2326由$0.03炒到上$3，驚人之作，係三仙炒到上三蚊！咁再查，仲有隻現時改咗名的2323，當年叫至卓，我都沾手幾次，又係反地心吸力類型，現叫港橋。兩次機會只買中一半，今次記起天元，眼見百靈達市值80億；港橋38億；康大只有14億，以買家實力來睇，炒作空間會有。更甚是聽得太多「炒上市值50億，齊入深港通」的口號，睇來問股的投資者都有返咁上下功力，我建議是當買入「貨乾到難以儲貨的股」時，切記切記注碼控制風險，以買家背後動力去推測走勢只是其中一種方法，睇資金、睇圖都可以幫到大家，今次就睇下天元有幾本事。
