先講返華泰，公司係全國擁有最多活躍投資者的券商，2016年華泰做到嘅成績好勁，股票基金交易量合計人民幣24.52萬億元，係市場份額8.85%，全國排名保持在第一。若果大家認真研究過，睇過下年報，或者公司網站，其實會發現公司擁有全國最多活躍用戶係有原因的。
開宗明義，今期想講華泰證券（06886.HK）。
早前小炒王買咗中信證券（06030.HK），而且止蝕咗，有朋友直接同我講揀錯股，佢用咗內險股來比喻，中信、海通（06837.HK）規模當然巨大，正正因為佢係大，就好似中國人壽（02628.HK）咁，大牛龜一樣，至於華泰證券、國泰君安（02611.HK）就好比新華保險（01336.HK）、中國太平（00966.HK），升幅會係行業裡面領先。
先講返華泰，公司係全國擁有最多活躍投資者的券商，2016年華泰做到嘅成績好勁，股票基金交易量合計人民幣24.52萬億元，係市場份額8.85%，全國排名保持在第一。若果大家認真研究過，睇過下年報，或者公司網站，其實會發現公司擁有全國最多活躍用戶係有原因的。
每間公司都會有自己嘅APP，而華泰嘅「漲樂財富通」APP累計下載超過2600萬次，更重要係活躍用戶規模位居行業首位，再睇返華泰網站（內地）、就會發現公司都擺唔少心機落投資輔助軟件身上，例如相似K線，就係Pattern Recognition ，以你睇好嘅公司A為例，搵返最類似的技術形態走勢，對好似小炒王呢啲咁鍾意炒嘅用家來講，係超級方便，同埋有用（最慘好多股友都係用腦去記住Pattern）。
然而最值得注視係華泰在移動互聯網做得最好，成功搶佔90後、00後嘅市場，大家可以覺得佢哋的錢唔多，又或者正正因為咁，佢地的流動係最強，造就了華泰2016年拎到市場交投量份額的8.85%， 對比中信、海通，華泰係相對細間, 但係小炒王相信增長的故事, 華泰會係最好個間，自然有潛力好似新華、太平咁升法。
講埋息口，因為長線投資都想收下息，華泰在港股賣15.76元（執筆時），A股賣緊19.16元人民幣，A股較港股溢價約20%。而華泰證券同時又係MSCI 明晟指數， 睇返指數入面的股份，好多都已經有資金流入，一旦未來上證突破3,300點時，就係呢批證券股起飛的時候。
睇返個派息率，用免費報價睇，資料顯示華泰係3.41%；銀河2.45%；中信2.40%；海通1.9%；廣發2.4%；光大2.07%，息口係同行裡面最高那個，自然吸引力最大。
