中石油簡單一句，平，現價$5.08，PB都唔到0.7倍，更在52周低位附近，AH折讓更接近5成，遲早內地資金都會衝落來買佢，現價Downside risk好低，但Upside 潛力好大，梗係買入做長線。
如果大家有留意資源價格，就知道銅升咗好多，愛股梗係洛鉬（03993.HK），第一次在$1.9追入，第二次就是$2.6，兩注都贏到開巷。同樣地，石油自沙特宣佈減產後，一日都升成3美元，小炒王推介唔使多諗，一定係長線買入中石油（00857.HK）。
中石油簡單一句，平，現價$5.08，PB都唔到0.7倍，更在52周低位附近，AH折讓更接近5成，遲早內地資金都會衝落來買佢，現價Downside risk好低，但Upside 潛力好大，梗係買入做長線。
同大家深入分析：
1/梗係為沙特亞美上市做準備，沙特呢單Deal，全球都爭緊，但係一旦落實到時間，現時超平的石油股一定有大行祝福，（講真，我節目講時，摩笛摩根士丹利都未出報告）但執筆時大摩已大力唱好，加上早排沙特放風延長減產等利好油價消息，小炒王覺得沙特已為上市做準備，咁無理由唔買中石油，就算「我、你、他」唔買，中東資金，大行都會買啦。
2/中石油隨時盈喜，當日直播已經大膽假設會盈喜，但小炒王講出口時，都留意到無人留言，證明大家都半信半疑，但從董事長王宜林的言論，小炒王覺得有盈喜機會好大。結果上星期三收市後就出盈喜。
3/中石油都加入混改行列，早排新聞，中石油表示混改獲得重要突破，改革路線圖初步成形，睇返聯通（00762.HK），小炒王第一次推介是8蚊邊，當時因為混改概念剛宣佈，睇下而家聯通都$11.2，所以宣佈混改那刻就係買入嘅最好時機。
4/恒指成份股檢討隨時調升三桶油比例，大家都知百麗（01880.HK）已經成功私有化，八月中恒指檢討，好多人覺得會搵返隻股份入去，但小炒王覺得可能係調整現時的成分比例，三桶油比例上調的機會好大，因為沙特亞美上市的機會大，到其時，帶動大市進一步破頂可能就靠呢三桶油。
