講到呢度係咪已經好吸引？但仲未到，小炒王去完當代網頁後，發現到公司好多潛力，就係旗下的第一資產，第一物業，第一教育，第一體育等子公司，呢啲都係物業衍生出來的產業鏈，當代置業都願意投放資源，學足香港的地產商，衣食住行都想賺埋
上回提到小炒王第四季選股目標係內房、資源、科技股、國企改革同混改股份、大灣同雄安區以及AH折讓股份，若果環保稅真的推行，那就要加埋環保股，小炒王手持天津創業環保（01065.HK）相信隨時會再破頂。是次推介的股份係有環保概念的內房股──當代置業（01107.HK），（節目推介時股價處於$1.69）。
先講少少基本資料先，當代置業係一間注重以及應用不少節能環保的科技的內房股，成功打造綠色科技地產品牌"MOMA"，公司擁有過百個專利，更榮獲多個綠色建築大獎，更拎到中美綠色建築的認證，小炒王睇完資料後，覺得呢間公司好有生命力，更具有長線投資價值。
睇返股價資料，公司於2013年上市，招股價1.49元，上市後股價都在$1-1.8 的區間游走，公司係$1.1時引入了信達香港資產管理為主要股東之一，更在舊年10月時係香港成為第一家發行綠色債券的內房，總額3.5億美元，6.875厘，其後以同樣息率係12月發行1.5億美元優先票據，集資5億美元，相等於市值嘅7-8成，小炒王覺得公司準備發大來搞。
當代置業發通告表示與A股上市公司陽光城集團（000671.HK）訂立戰略合作協議，合作方式包括且不限於：聯合競買、合作開發、股權收購、資產收購、一二級聯動合作開發、綠色地產建設、綠色科技及健康人居諮詢服務以及技術輸出等。人哋市值大當代十倍，小炒王覺得搵到個戰略伙伴，可以令當代未來加速成長。
講到呢度係咪已經好吸引？但仲未到，小炒王去完當代網頁後，發現到公司好多潛力，就係旗下的第一資產，第一物業，第一教育，第一體育等子公司，呢啲都係物業衍生出來的產業鏈，當代置業都願意投放資源，學足香港的地產商，衣食住行都想賺埋，而第一體育近期正式在新三板掛牌，係繼去年第一物業第二間子公司係內地上新三板，而當代係成個生態裡面，唔止呢四間，仲係唔少投資，所以買當代就等於買了好多家潛力股份一樣，非常吸引。
一次過滿足晒咁多願望，一定好貴啦，雖然公司股價係低谷$1.1升上來都係4-5成的升幅，但係唔好忘記其他內房升得仲勁，閒閒地係1倍，好誇張個啲係好幾倍，而目前個價仲係貴招股價1成多少少，絕對唔貴，小炒王見到呢間公司中長線可以見4-5蚊，如果繼續營運得好，就好有可能成為10倍股，年幾前，小炒王推介過龍光地產，今日當代置業相信會比龍光更勁，更有潛力。
