而南旋今次大股東係送糖畀小股東以及基金股東， 相信梗係想公司市值再翻幾翻，中長線目標，即半年至一年時間，小炒王睇南旋可以再升多1-2倍，現時保守睇一年目標價係$4.5，短線第一站睇$2.5-3蚊呢個位先。
早年在DBC數碼電台，小炒王講過嘅南旋控股（01982.HK），我又想舊事重提。唔知大家記唔記得小炒王講過申州控股（02313.HK）係T-SHIRT界的一哥，而南旋就係毛衣界的一哥，睇返公司網頁同年報，公司採用好多來自德國同日本先進的自動化機械，即係生產流程管理做得好好多，所以盤數睇得出公司成本效益做得唔錯。
公司近日宣傳同大股東收購業務，總代價5.5億，而直至2018年3月保證綜合純利不少於6600萬，計落PE 唔夠10倍，其中以1.72元發行2億新股畀大股東，大股東竟然要股票唔要錢！通常呢啲做法係睇好公司未來的一個行為，屬於大利好。更重要嘅地方係若果溢利不達標，大股東會向公司支付補償，而金額係相當於差額的8.33倍。小炒王見到大股東咁霸氣講到肯補差額，而且仲要係8.33倍，肯定6600萬係保守估計，去到明年可能發現係7000萬，什至8000-9000萬都有機會，平時聽到的多數係同大股東買貴嘢，今次竟然平賣益小股東，係咪真係咁大隻蛤乸隨街跳先？
睇返通告，保麗信係做針織鞋面及針織鞋，就係我們平時著個隻織面波鞋，早前小炒王都同唐牛分享過以前啲男仔好喜歡著Air Force等波鞋，近年自從NIKE 推出Flyknit鞋，部份人都慢慢轉去著Flyknit鞋，喜歡夠輕身，TASTYMONEY 的IT部男同事著緊個對Uunder Armour鞋就係呢個織面，相信就係保麗信所做的。而今次收購的保麗信做的同Flyknit類似的織面波鞋，而小炒王見到係大勢所趨，相信公司訂單已經排晒隊大股東東先敢出來保證。
而公司16年上市後在越南開廠，第二期廠房就係17年下半年投產，而家都10月，相信都應該投產了，而真正體現營利就係未來幾個年報身上，公司的大客主要係UNIQLO、TOMMY、LAND’S END，近年開始加入埋GAP 同BROOKS BROTHERS呢啲大客，小炒王覺得公司增長無問題。講開UNIQLO，小炒王以前推介過互太紡織 （01382.HK）經歷過一個浪，公司股價可以由2-3蚊升到10-11蚊，紡織股周期一返來，升勢可以好勁。
而睇返公司股價，現價$2，市值大約40幾億，睇到呢度，大家就知道肯定係小炒王的心水，因為市值40幾億的實業股，好大誘因要炒上50億樓上，未來進入深港通後，股值隨時翻幾番。大家記唔記得小炒王係$1.5推介的中海物業（02669.HK），現時股價都1.95元，市值65億，好明顯就係呢個方向。而南旋今次大股東係送糖畀小股東以及基金股東， 相信梗係想公司市值再翻幾翻，中長線目標，即半年至一年時間，小炒王睇南旋可以再升多1-2倍，現時保守睇一年目標價係$4.5，短線第一站睇$2.5-3蚊呢個位先。
文章轉自
港股策略王專欄
http://www.winmoney.hk/famous/%E3%80%90%E4%B8%8D%E5%95%8F%E5%83%B9%E8%BF%BD%E3%80%91%E6%9C%89%E7%AD%8Ddeal%E7%9A%84%E5%8D%97%E6%97%8B%EF%BC%88%E5%B0%8F%E7%82%92%E7%8E%8B%E6%A2%81%E5%BF%83%E6%AC%A3%EF%BC%89%EF%BC%88%E7%AC%AC146/
