專欄

【不問價追】馬尼拉•深度遊

菲律賓馬尼拉遊客多,日、韓遊客隨處可見,中、台人士也不少,我已屬異數。台灣、韓國到菲律賓的航程好短,尤其是台灣,同北面的菲律賓距離只有100公里,講誇啲,港澳距離都係60公里,咁你計到有幾近!

近嚟大市得三個字「好難炒」,嗰種難炒係今日你以為因為雄安、粵港澳大灣區概念上升,但聽日中央就話畀你聽「佢唔畀你買」。樓又唔准買;股又唔准炒,咁到底中央嘅如意算盤係點呢?「改革」是漫長又難熬嘅過程,短線陣痛一定有,但改革是不是為了將來進入MSCI呢?好快,6月就會有分曉。

當錢唔容易搵嘅時候,最好就去使錢。由於建立「Tasty Money」需時,小炒王好耐都冇去外遊,結果觸發4月份外遊癮大發,加上公眾假期較多,自然成為誘因。今次選擇從未到訪過嘅菲律賓馬尼拉,起初因為安全的原因有所擔心,愈近起飛嘅時間,觀察過眾多馬尼拉嘅資料,我對今次嘅旅程係表示興奮多於擔憂。

我住的酒店位於「Makati」,一個金融區。如果要同香港嘅地區相比,我覺得佢似金鐘。馬尼拉嘅商場眾多,一個接著一個,呢方面有啲似泰國曼谷。再睇睇佢哋的物價,其實一啲都唔平,好多時都係「香港價」,所以我行李內都無買太多手信。想像到經濟增長有6%的菲律賓真係唔惹少,你以為人家只會輸出外傭,其實中產消費力相當巨大。

當地遊客多,日、韓遊客隨處可見,中、台人士也不少,我已屬異數。台灣、韓國到菲律賓的航程好短,尤其是台灣,同北面的菲律賓距離只有100公里,講誇啲,港澳距離都係60公里,咁你計到有幾近!不過講到最受歡迎嘅都係中國客,資金充裕又大手筆,但係中菲外交去到咩境地?不如今周睇相先,下回分解。