專欄

【不問價追】不問價追國際娛樂

蔡朝暉手貨是$1.6買回來,$1.6就是防線,眼見大市呢期飄忽不定,但國際娛樂的$1.6防線仍然穩陣,以此作為上車首選,其後依圖而見,再追上$1.9近期高是不難實現。至於菲律賓賭場靚唔靚?吸唔吸睛似乎無香港人講過,小炒王就希望在不久的將來親身視察一番,現在就決定不問價追國際娛樂。

熟知小炒王的讀者都知,2017年,小炒王對澳門博彩股冇咩興趣,反而對周邊的俄羅斯海參崴、菲律賓、日本等地嘅賭業更加有意見。一來澳門博彩股係2016年升到飛晒天;二來其他地區的賭業開始有增長動力,當中一招「限韓令」已經打到你魂飛魄散,咁,你要對國際政治開始認真了,否則捉股都捉唔實。

舊年年尾,菲律賓總統杜特爾特到中國作國事訪問,正正顯示兩國關係回暖,為咗回禮,內地亦解除了自2012因黃岩島爭端以來的菲律賓水果進口禁令,亦會對菲農業部門進行投資,呢個信號表明菲律賓正認真考慮加強與中國的貿易,雙方破冰有跡可尋。我唔係吹水,據英國《金融時報》報導,菲律賓講到明「疏美親華」戰略已經取得初步勝利,原因係熱帶水果銷量飆升,特別係香蕉,證明新總統上場是要擁抱中國,據了解,內地同菲律賓將會買多10億美元農產品。

剛才提到一招「限韓令」令人動魄驚心,可想而知,外交關係對經濟帶來的沉重,限韓令之下中國人放棄韓星、韓貨、韓賭,華克山莊從此就「拍烏蠅」了,嗜賭的中國人去不了日本(未開賭)、去不了食泡菜(禁了),咁關係好的就自然上位。「成也北水、敗也北水」北水的天然力量我們見識得多,來就一窩蜂;去就不留情,沒有韓星,我們仲有千千萬萬個偶像在心中。不留韓不要緊,我們還有海參崴及菲律賓,只要關係搭夠,踴去其他地方是遲早的事。

國際關係講到呢度,我要帶出擁有菲律賓賭業的國際娛樂(01009.HK)。鄭家純以溢價23.1%出售國際娛樂64.7%持股,作價12.22億。買家係極具話題性的德州撲克高手蔡朝暉。純官今次好特別只係要蔡朝暉比6億現金支付,剩低嘅6.2億竟然可以分期畀!買殼可以順道借埋錢,筍也!蔡朝暉是何許人也大家要睇清楚,同馬雲搞雲峰基金已經唔簡單,純官仲要借錢佢用,唔通……眼見純官仲留返10.01%持股在身,真係令人有極級聯想。相信生意人自有其一套做事方式,蝕本生意又點會做?

蔡朝暉手貨是$1.6買回來,$1.6就是防線,眼見大市呢期飄忽不定,但國際娛樂的$1.6防線仍然穩陣,以此作為上車首選,其後依圖而見,再追上$1.9近期高是不難實現。至於菲律賓賭場靚唔靚?吸唔吸睛似乎無香港人講過,小炒王就希望在不久的將來親身視察一番,現在就決定不問價追國際娛樂。