專欄

TSC供股後, 下一步會係?

TSC 呢個阿媽有幾勁, 相信唔駛小炒王再多講, TSC未來成為招商工業旗下既招商海工上市未來, 相信一定大放異彩。睇到呢到, 小炒王已經覺得好Juicy, 但再發掘深D, 小炒王覺得好大機遇。早前股東之一既中集(2039)出了通告表示跟供, 大家可能都知道中集最大股東係招商局, 但究竟潛力有幾大?

小炒王最近把TSC(206)納入小炒倉, 係供股結果之前0.465元入倉, 之後係供股結果出台之後, 0.5元加注, 究竟206 有咩吸引之處, 小炒王點解會選中佢入倉?

話說係好耐之前, 市場熱炒油服股時, 小炒王都炒過TSC好多轉, 當時睇好佢做埋decommissioning的業務, 即係除了生產設備外,仲做埋拆卸, 如果做得成功, 呢個係一個唔錯的產業鏈,而且門檻都好高下。不過最後TSC股價一路向南, 公司要走向賣殼, 轉型的一條新路。

易主國企 變革重生

2017年12月底, TSC發出一份根據特別授權發行及認購新股份, 公司以每股0.67元發行擴大股本係51%的新股(即7.65億股)俾招商局及長城資管旗下基金並改組董事局, 即係話TSC從前就正式被國企入主, 成個格局就唔同晒。



連續PUMP 錢 勢必大搞

大股東入主時, 已經注入了5.12億錢入公司, 跟住唔夠半年, 大股東再揼錢入公司, 今次大股東選擇比較公平的方法去做, 就係供股, 今次供股係1供1, 最多籌集6.629億錢。

基本上供股都唔係一個好好的事, 尤其係港股市場, 因為過去奸商老板靠財技搵食, 坑殺小股民, 而本質上佢哋嘅業務欠奉, 經常性供股合股向下炒, 把財技在邪惡用途上發揮得漓淋盡致。今次TSC 供股, 會否走上邪惡之路, 暫時來睇, 一啲都唔似, 反而係一個加速變身之財技。

經過兩次集資, 新舊股東共注入11.6億錢, 為乜?就係為了整個招商海工的資產注入, 係供股通告之後, TSC 連發兩個通告。分別係《建議更改公司名稱》同埋《主要及關連交易成立合營企業》。

新名透露玄機

第一個通告就改名通告, 同大家講公司正式變身, 由昔日的「TSC Group Holdings Limited」搖身一變成為「華商國際海洋能源科技控股有限公司」, 大家都知我哋中國人啦, 唔怕生壞命最怕改壞名, 所以改名係一個好重要的儀式。

 

而公司表示改名的原因都幾咁宏大, 公司之控股股東已變為China Merchants & Great Wall Ocean Strategy & Technology,公司之業務也處於戰略轉型中。為突出公司全球立業的國際化特點,協同股東優勢的聯動業務模式,展示公司以「海工基業、能源持業、科技興業、資本創業、全球立業」的戰略規劃,打造全新的市場辨識度和影響力,應以新的公司名稱展示新的形象。

 

呢類VISION & MISSION STATEMENT, 其實都可以睇下, 最重點個句「協同股東優勢的聯動業務模式」小炒王圈出來, 即係話佢哋有招商局呢個大阿媽的優勢, 由阿媽攜幼咁的發展業務既模式, 小炒王頓然覺得有睇頭, 因為國企一旦發展聯動, 阿仔多數都掂, 成為基金新寵。而招商局過往係海外買了咁多碼頭, 未來肯定係海工方面大力發展。

 

注入第一件資產

18年11月25日關連交易通告, TSC用5000萬美金同基金大股東搞合營公司Wealthy Marvel Enterprises Limited, 各佔50%, 而基金大股東會注入將向合營企業(Wealthy Marvel Enterprises)注入鑽機資產,總代價為1.5億美元。

 

5000萬美元折合港元大約3.9億, 即係供股所得的6成資金, 或者係大股東入主後公司獲注入11.6億新水的33.6%錢, 現時油價都係低位, 由於貿易戰下, 環球經濟活動減慢, 短期內小炒王覺得油價易跌難升, 係呢個時候注資, 對TSC股東來講, 就係低位買相關資產, 到下一個週期來,如果大家仲坐到的話, 相信睇返轉頭會係一個好好的機遇。

 

大股東好架勢

文中講都大股東係招商同長城成立的基金, 聽個名就知大孖沙, 究竟有多資產可注? 係呢方面, 小炒王都唔知, 但咁啱得咁橋, 小炒王又見到少少資料可以分享一下。大家都知道TASTY 請緊人, 得閒會去招聘網落招聘廣告,有日小炒王見到個廣告係招商工業請人, 睇內容就見到大股東有幾勁:

招商局工業集團有限公司(下稱“招商工業”)是招商局集團旗下先進制造板塊的二級集團公司,母公司招商局集團是中央直屬的特大型重要骨干企業,創建於1872年晚清洋務運動時期,是中國民族工商業的先驅和改革創新的開拓者。招商局集團業務覆蓋全球,主要聚焦於基礎設施與裝備制造、物流航運、綜合金融、城市與園區綜合開發四大板塊,截至2017年底總資產7.3萬億元,規模位居央企第一。

傳承招商局航運與海事祖業的招商工業是中國領先的海洋裝備提供商和服務商,招商工業總部位於香港,在美國、荷蘭、意大利、斯裡蘭卡等國家設有子公司和駐外機構,在國內華東、華南、西南地區布局多個生產制造基地,業務主要聚焦海洋工程裝備制造、海洋裝備修改裝、豪華郵輪制造、新材料制品及特種裝備制造等四大板塊,成立半個世紀以來,相繼打造了友聯修船、招商重工、招商鋁業等業內知名品牌。

招商工業是多元化跨國產業集團中集集團的第一大股東,並投資了招商租賃、招商海工投資等十幾個企業,發起設立了10億美元的招商長城海洋科技產業基金,基金控股了國際知名海上鑽井平台整包供應商TSC集團。截至2017年,招商工業總資產343億元。

目前,招商工業正在踐行國家“一帶一路”倡議,認真謀劃全球化戰略布局,以先進制造和智能制造為抓手,努力打造國內領先的裝備制造集團,助力招商局集團建設具有全球競爭力的世界一流企業。

招商中集整合先係大格局

TSC 呢個阿媽有幾勁, 相信唔駛小炒王再多講, TSC未來成為招商工業旗下既招商海工上市未來, 相信一定大放異彩。睇到呢到, 小炒王已經覺得好Juicy, 但再發掘深D, 小炒王覺得好大機遇。早前股東之一既中集(2039)出了通告表示跟供TSC, 佔於供股完成後TSC集團經擴大已發行股本之約6.3%即1.85億股左右, 大家可能都知道中集最大股東係招商局, 但究竟潛力有幾大?

係2017年4月, 招商局港口(00144)發布公告稱,公司將向招商局工業集團(以下簡稱招商局工業)出售其所持有中集集團(02039)全部24.53%的股權,總計出售代價為85.4億港元。雖然該公告僅有10頁之長,但內部卻蘊有巨大深意。招商局工業母公司為招商局集團(簡稱招商局),而招商局又為中集集團第一大股東,故此此次出讓可以理解為招商局內部的股權置換,亦可以理解為招商局內部海工業務的的協調重整。

而去到2018年, 市場一直盛傳招商局旗下招商局重工與中集集團將合並海工設計和建造資產,如果合並完成,將是中國最大的海工裝備建造集團,也可能是世界最大的。此前招商局集團董事長李建紅就回應稱,招商局和中集集團在海工業務上有協同,在各個方面保持業務聯系,但目前雙方沒有明確的整合方案。

中集麥伯良表示“我們去年海工業務的確接到了不少訂單,但訂單的完成需要時間去完成,真正想讓海工業務的報表變得好看還需要時間,可能是兩三年,這是我們下一階段的重點工作之一。”

如果真係細看兩公司產業,在海工業務方面多有重合之處。例如, 中集集團旗下中集來福士海洋工程有限公司(中集來福士),目前是中國最大的深水半潛式鑽井平台制造商。其產品占中國國內交付量的78%,手持訂單全球市場占有率為23%。招商局工業下屬兩個企業:友聯船廠在國際上已成為極具影響力的海工及船舶修理改裝高端品牌,招商局重工亦為已成為中國海工裝備及特種船舶高端產品建造商。

小炒王相信, 整個招商中集海工產業重組正式開始, 並係TSC(206)身上揭開序幕, 究竟會行到幾遠, 小炒王唔知道, 如果順利整合, 可能係一間10倍白馬股, 當然呢類國企改革, 行起來唔容易, 失敗的例子都唔少, 小炒王呢刻都唔敢同大家預測更多。

供股結果 絕對值搏

經歷過18年收水既熊市, 小炒王對呢類變身股都有D 戒心, 唔同既係去年水緊今年就放水, 但都係實際D好D, 睇下值搏率有幾高:



呢份供股結果顯示, 公眾股東大部份都放棄供股, 只有接近1,000萬股即大約450萬錢跟供, 小炒王係CCASS 睇到D 有趣既位, 遲D 有機會再同大家分享一下另外供股既投資機遇。

呢個供股結果, 係一個散戶SURRENDER 既表現, 咁係咁情況下, 大戶已經收乾籌碼, 未來大炒既機會好大。而另一方面, 大股東雖然唔會沽貨, 但係成本都可以計一計, 簡單計就係0.67+0.45 / 2, 大約0.56元, 即供股結果出台前掂一掂既價錢。

睇定先落注 中線等大賺

若果大家係TASTY忠實觀眾, 小炒王講過0.45元樓下係相對好安全既價錢, 可以不問價追, 而小炒倉則係0.465同0.5兩個價位建倉, 其中一個原因係澳洲, 錯過轉倉好時機, 但有睇到小炒王facebook 既朋友, 都記得小炒王叫大家撈。

現時TSC股價收報0.51元, 比起0.45元有10%既升幅, 同時比0.56元有10%折讓, 小炒王覺得0.45至0.56都係一個唔錯既上車位, 當然大市市況都會影響到個價, 而幾時開車小炒王唔知道, 但底部變身, 重新上路, 小炒王覺得起碼係1倍以上既股票, 大家可以先袋住, 觀察下,  等到覺得岩價先慢慢吸納, 做一個中長線既投資, 目標賺取1倍以上既回報。

最後, 祝大家金豬年日日有得Jep。